Hosted by kiwi6.com free mp3 upload.
Breizhiz, rentomp enor
D’ar seizh eskob santel
A hadas en hor bro
Greun mat an Aviel.
Patroned Breizh-Izel,
Klevit hirio ma fedenn,
Dalc’hit da Zoue fidel
Ar vro hoc’h eus graet kristen.
Pep hini anezho
A resevas gant Doue
Ur sant ‘vit e lakaat
War hent ar wirionez.
Sant patern, ar c’hentañ,
A oa eskob a Wened,
Tudual e Landreger,
Sant Malo e Aleth.
E Kerne, Kaourintin,
Sant Pol e Bro-Leon,
En hanternoz, Brieg,
Hag e Dol, Sant Samson.
Hag en hor c’halonoù
E kaver war un dro
Karantez Doue
Staget gant karantez ar vro.
Brav eo ! Trugarez !
RépondreSupprimer